തിരുവനന്തപുരം: വിഴിഞ്ഞം തുറമുഖവുമായി ബന്ധപ്പെട്ട് അദാനി പോർട്ട് ലിമിറ്റഡിന്റെ 49 ശതമാനം ഓഹരി എംഎസ്സി കപ്പൽ കന്പനിക്ക് കൈമാറിയ വിവാദം നിലനിൽക്കേ മുഖ്യമന്ത്രി അധ്യക്ഷനായ വിഴിഞ്ഞം തുറമുഖ ഡയറക്ടർ ബോർഡ് യോഗം വിളിച്ചുചേർക്കുന്നതും ആലോചനയിൽ.
അദാനിയുടെ 13,200 കോടിയുടെ ഓഹരി സർക്കാരിനെ അറിയിക്കാതെ കൈമാറിയതുമായി ബന്ധപ്പെട്ട സംഭവത്തിൽ ചീഫ് സെക്രട്ടറിയുടെ നേതൃത്വത്തിലുള്ള ഉന്നതതല സമിതിയും വിദഗ്ധ സമിതിയും പരിശോധിച്ച ശേഷമാകും ഡയറക്ടർ ബോർഡ് വിളിച്ചുചേർക്കുന്ന കാര്യം സർക്കാർ ആലോചിക്കുന്നത്.
മുഖ്യമന്ത്രിയെക്കൂടാതെ റവന്യു മന്ത്രിയടക്കമുള്ള വിവിധ വകുപ്പു മന്ത്രിമാരും ഡയറക്ടർ ബോർഡിലുണ്ട്. ഓഹരി കൈമാറ്റവുമായി ബന്ധപ്പെട്ട വിവരങ്ങൾ നിയമവകുപ്പും പരിശോധിക്കും.
ബന്ധപ്പെട്ട ഭാഗങ്ങളാകും പരിശോധിക്കുക. വിഴിഞ്ഞം തുറമുഖവുമായി ബന്ധപ്പെട്ട ഓഹരികൈമാറ്റം പ്രതിപക്ഷം രാഷ്ട്രീയ ആയുധമാക്കുന്ന സാഹചര്യത്തിൽ ഏറെ കരുതലോടെ നീങ്ങാനാണ് സർക്കാർ ശ്രമം. ഇതിന്റെ ഭാഗമായുള്ള നടപടികളാകും സ്വീകരിക്കുക.
E-paper LOGIN
LOGIN
